دکتۆر ڕێبێکا گرانت لە بەشێکی شیکارییەکیدا کە لە “فاکس نیوز” بڵاو کراوەتەوە، نووسیویەتی: پەرەگرتنی گەمارۆی دەریایی سەر ئێران لەلایەن ویلایەتە یەکگرتووەکانی ئەمریکاوە، لە تەنیا کارێکی ناوچەیی دەرچووە و بووەتە ئاماژەیەکی هۆشداریدەر بۆ چین و ڕووسیە.
بەپێی ئەم شرۆڤەیە، هێزەکانی ئەمریکا لە حەوتووەکانی ڕابردوودا دەیان کەشتییان لەسەر ڕێڕەوی ئێران ڕاگرتووە یان دەستیان بەسەردا گرتوون. دۆناڵد ترامپیش ئەم ئۆپەراسیۆنەی بە “زۆر کاریگەر” ناوبردووە و جەختی لەوە کردووەتەوە کە گوشاری ئابووری، چەقی ی ئەم پلانەیە.
هاوکات، بەرپرسانی ئەمریکایی ڕایانگەیاندووە کە مەودای ئەم گەمارۆیە لە فراوانبووندایە. بە وتەی پیت هێگسێت، وەزیری بەرگریی ئەمریکا، ئەم ئۆپەراسیۆنە ”خەریکە دەبێتەوە” و دەستبەسەرداگرتنی کەشتییەکانیش بەردەوام دەبێت.
لە شیکارییەکەدا هاتووە کە ئەم پرۆسەیە بۆ چین گرنگییەکی تایبەتی هەیە؛ چونکە بەشێکی بەرچاوی هاوردەی نەوتی ئەو وڵاتە لە ڕێگەی دەریاوە دابین دەکرێت و ئێران و ڕووسیەش پشکێکی گرینگیان لەو دابینکردنەدا هەیە.
نووسەر جەخت دەکاتەوە کە تێکەڵکردنی توانای سەربازی، هەواڵگری و دارایی ئەمریکا لەم ئۆپەراسیۆنەدا، ئاستێکی وەها لە بەرگێڕەوە (بازدارندگی) دروست کردووە کە بە وتەی ئەو، ڕکابەرەکانی وەک چین ناتوانن بە ئاسانی بەرەوڕووی ببنەوە.
ماڵپەڕی ناوەندیی حیزبی دێموکراتی ئێران
About The Author
